Considero só as 87 encuestas que recoñecen ter calculadora científica. Talvez noutra ocasión poderemos saber por que hai algúns que non a teñen ou non a levan á clase.

Marcas e modelos

A marca pode parecer o menos importante, mais cando se trata con diferentes modelos de varias marcas dás apreciado semelhanzas entre os modelos da mesma marca. Por exemplo, sempre me pareceu máis clara a distribución das teclas nas de Casio. Tal como esperaba, a maioría das calculadoras son Casio, mais non esperaba tantas diferencias entre elas. Recordo outros anos nos que había máis aparellos de Texas Instruments.

Marca aparellos Casio 82 Citizen 2 Sharp 2 Texas 1

Canto aos modelos, recollín até 21 respostas diferentes. Mais non é tanta a variedade como podería parecer: 11 respostas distintas son variantes da Casio FX-82, e das outras 10, apenas a Casio FX-6300 G aparece máis de dúas veces (seis). Así que fixen tres grupos dentro das primeiras (aínda así, non fun quen de encontrar ningunha diferencia entre as FX-82 SX e as FX-82 SUPER, mais de seguro que as hai) e mais un grupo aparte para todo o resto. Se consideramos tamén os níveis, teremos os seguintes datos:
 

	Nível
Gama	3ESO	3BUP	Total
FX-82 SX	28	5	33
FX-82 SUPER	19	6	25
FX-82 outra	6	2	8
outra	11	10	21
Total	64	23	87

Un 76% destes alumnos teñen unha FX-82, unha das calculadoras científicas máis sinxelas (e baratas) que comercializa Casio. No 3º de BUP hai menos, mais aínda son a maioría.

Canto ao curso anterior, temos os seguintes datos:
 

Tiñan no ano pasado Gama Ningunha Outra A mesma Total FX-82 SX 5 15 13 33 FX-82 SUPER 2 3 20 25 FX-82 outra   2 6 8 outra 5 6 10 21 Total 12 26 49 87

Tiñan no ano pasado Nível Ningunha Outra A mesma Total 3ESO 11 21 32 64 3BUP 1 5 17 23 Total 12 26 49 87

Un 83% dos alumnos da ESO xa tiña calculadora no primeiro ciclo (a pregunta non deixaba demasiado claro que fose científica). Embora, a metade dos alumnos da ESO adquire unha nova. 26 destes 32 aparellos supostamente novos (un 81%) son algún modelo FX-82; entre os que mudan de modelo a proporción é aínda meirande: 19 de 21 (90%).
No 3º de BUP, en troque, só mudan de calculadora a cuarta parte dos alumnos, mais un 83% deles escollen unha gráfica.
Tamén nótase unha mudanza de tendencia entre as gamas FX-82 SX e SUPER: as primeiras son a maioría entre as novas e as segundas entre as vellas. Quizais a FX-82 SUPER comeza a se descatalogar: non aparece no catálogo europeo, mais si no español.

A outra clasificación, polo momento no que se efectúan os cálculos, non estaba contemplada na encuesta, mais paréceme que só operaban por expresións enteiras as sete calculadoras gráficas.
Como era de esperar, no 3º de BUP hai máis calculadoras DAL e, sobretodo, máis calculadoras gráficas. A proporción de calculadoras programábeis non parece destacábel.

No tocante ao que tiñan no curso anterior, temos estes datos:

Polo xeito de se introduciren os cálculos Tipo Ningunha Outra A mesma Total NM 9 20 46 75 DAL 3 6 3 12 Total 12 26 49 87

Polas capacidades que ofrecen Tipo Ningunha Outra A mesma Total Estándar 9 22 44 75 Gráfica 2 4 1 7 Programábei 1   4 5 Total 12 26 49 87

Malia seren poucas, comprobamos que a maioría das calculadoras DAL, e tamén as gráficas, son novas. Non é tanta casualidade, xa que estas sete calculadoras gráficas empregan notación alxebraica.

Outras características si estudadas na encuesta foron o número de cifras apresentadas na pantalla e o xeito de apresentar os resultados en notación científica. Había outra pregunta sobre o número de cifras coas que opera, mais foi contestada por moi poucos alumnos. Obtivéronse os seguintes resultados:
 

Nível Cifras 3ESO 3BUP Total 8 6 3 9 10 58 20 78 Total 64 23 87

Tiñan no ano pasado Cifras Ningunha Outra A mesma Total 8 1 1 7 9 10 11 25 42 78 Total 12 26 49 87

As calculadoras que só apresentan 8 cifras na pantalla xa deben estar descatalogadas. Para os cálculos que se fan na secundaria, poderíase pensar que non fai falla tanta exactitude. De facto, eu só achei dous problemas para facer cálculos con graos sexaxesimais (tamén poderían darse en cálculos horarios): non aparecen os segundos cando o ángulo é maior de 100º, mais poden facerse aparecer aí, e ás veces hai un erro dun segundo.
A cuestión é que aínda quedan 9 (máis cás gráficas!) calculadoras de 8 cifras. Hai máis, proporcionalmente, no 3º de BUP e entre as vellas, mais aínda hai dúas entre as que poderiamos considerar novas, entrambas no 3º da ESO). Non penso que as mercasen, unha delas era herdada (fora doutro alumno, concretamente dun dos que mercaron unha gráfica no 3º de BUP); supoño que a outra tamén.

Canto á notación científica, quen a tiver asumida apenas precisa a mantisa e o expoñente, que é o único que apresentan moitas calculadoras. Iso fai que os alumnos haxan de aprender a interpretar e traducir o que apresenta a súa calculadora ao mesmo tempo que aprenden o concepto.
Basicamente hai dúas posibilidades:
1.- Pór todo na mesma liña, separado por un espacio ou por unha E.
2.- Pólo a diferente nível, co expoñente enriba e máis pequeno. Ultimamente, algunhas destas amosan tamén un pequeno x10 no meio, de maneira que fica case como se ha de escreber.
Moitas veces, os números en notación científica tamén aparecen con menos cifras que os outros resultados.

Talvez a pregunta non estaba ben redixida para quen non saiba usar a súa calculadora: algúns alumnos non souberon contestala. Visto que é unha característica que depende do modelo, puidéronse extrapolar as respostas, agás en dous casos nos que non se repetía o modelo.
 

Lugar onde aparece o expoñente na Notación Científica lugar NM DAL Total arriba 71 8 79 ben   3 3 lado 3   3 N C 1 1 2 Total 75 12 87

Case todas as calculadoras colocan o expoñente en alto, apenas tres son as que engaden x10. Estas tres son DAL non gráficas. Outras catro calculadoras apresentan menos cifras nestes resultados que nos outros.
 

Un 45% destes alumnos teñen computador, chegando esta porcentaxe a case o 83% no 3º de BUP, mais só ao 31% no 3º da ESO.
Afirman posuír algunha folla de cálculo case o 72% dos que teñen computador, mais só o 32% do total. Tamén aquí as porcentaxes son superiores no 3º de BUP (89%) que no 3º da ESO (55%). Todos os que teñen calculadora gráfica teñen tamén computador e mais folla de cálculo.

Ao respeito doutros programas, só 9 alumnos afirman telos de representación de funcións e un, ademais, de Estatística. Case os mesmos no 3º de BUP (5) ca en 3º da ESO (4). Son o 23% dos que teñen computador e apenas o 10% do total. Destes 9 alumnos, 7 teñen tamén folla de cálculo e só 2 calculadora gráfica.