Coastwatch Galicia:
unha experiencia de educación ambiental
A incorporación da Educación Ambiental ó currículo
escolar supón o recoñecemento do importante papel que
o medio ambiente xoga na vida das persoas e no desenvolvemento da sociedade;
representando a implicación da escola na mellora do entorno humano, e entendemos a E.A. como:
"Unha dimensión da educación integral das
persoas e colectividades sociais, que nas súas diversas manifestacións
e prácticas, promove o coñecemento, interpretación e
concienciación respecto das diferentes problemáticas ambientais,
do seu impacto local e planetario, activando competencias e valores dos que
deriven actitudes e comportamentos congruentes coa ética ecolóxica
que se precisa para participar na construcción dun desenvolvemento
humano sostible".
A información ambiental e a formación ambiental, a pesar de
seren condicións valiosas e mesmo necesarias, non son suficientes
para a educación ambiental, polo que non deberán ser asimiladas
a esta. A educación ambiental, deriva en novas oportunidades para
a adquisición de saberes (toma de conciencia, coñecementos),
de saber-facer (competencias, aptitudes) e de saber-ser (valores, actitudes,
ética), achegando significados que transcenden a simple información
e formación ambientais.
Os seguintes cadros reflicten as diferentes dimensións ou aspectos
que presenta Coastwatch Galicia como unha experiencia de Educación
ambiental.
Organización en Grupos
Traballo en equipo
Educa-la capacidade de observación
Educa-la capacidade de avaliación
Exercita-la toma de decisións
Importancia e Coherencia entre a observación persoal e a información que se subministra.
|
Estatísticas
Informes
Os residuos
Espacios naturais
Dinámica de poboacións
As praias como ecosistema
Dinámica sedimentaria no litoral
|
Limpeza do litoral
Exposición de residuos
Contactos co Institucións
Denuncias públicas
Información
|
Informarse sobre os problemas, as súas causas e as posibles solucións
Familiarización coa organización administrativa da sociedade: leis, normas, ...
Reclamar accións institucionais: petición de información, queixas administrativas, ...
Responsabilidade e Compromiso persoal: "vivimos no mundo que construimos coa nosa conducta, decisións e actitudes".
|
Aspectos relacionados co desenvolvemento persoal.
- Organización de Grupos.- Hai que organizar, discutir e repartir a zona
de estudio entre o grupo participante (normalmente unha clase, ou alumnos/as
da mesma disciplina), intervindo tanto os alumnos/as como o profesor(es)
que coordinan a experiencia no centro escolar.
-
Traballo en equipo.- Dentro dun grupo responsable da inspección de
500 metros de costa cada participante desenvolve un labor propio, sendo responsable
dunha parte da investigación.
-
Educa-la capacidade de observación.- Para poder contestar correctamente
ás preguntas da enquisa estamos obrigados a ver, contar, buscar obxectos,
lixo, ..
-
Educa-la capacidade de avaliación.- En determinadas preguntas temos
que emitir un xuízo sobre o estado do litoral, a limpeza da praia, ..
-
Exercita-la discusión e toma de decisións colectiva.- As preguntas
da enquisa só admiten unha resposta, polo que cando varios membros de grupo
de traballo teñen distinta opinión ou percepción sobre algunha pregunta é
necesario discutir, argumentar e finalmente tomar unha decisión colectiva
sobre o asunto.
-
Importancia do Rigor e da Coherencia entre a observación persoal e
a información que se subministra.- O traballo de campo permite realizar unha
"fotografía" do estado do litoral nese momento, e esta fotografía debe reflecti-la
realidade para que poidámo-la comparar ca de anos anteriores ou para que
poidamos tirar conclusións.
|
Aspectos relacionados co currículo escolar, transversalidade .-
Comprende
un conxunto de iniciativas relacionadas co desenvolvemento das diferentes
materias que conforman o currículo dos alumnos/as participantes; cada
unha delas adaptable ó nivel educativo dos alumno/as e con obxectivos
propios a definir polo profesorado responsable.
- Área de matemáticas. Elaboración de estatísticas,
gráficos, comparación de series temporais, porcentaxes, ...
-
Área de Lingua. Elaboración de informes,..
-
Área de Sociais. A poboación, os recursos, ...
-
Área de Ciencias Naturais. Espacios naturais, dinámica de poboacións,
as praias como ecosistema, dinámica sedimentaria no litoral, residuos domésticos,
....
-
Informática. Procesador de textos, folla de cálculo, programa de gráficos, ..
|
Aspectos relacionados coa acción ambiental.
-
Comprende unha serie
de iniciativas relacionadas coa "acción", a posibilidade que temos
de intervir directamente na concienciación e/ou resolución,
de problemas ambientais.
- Unha xornada de limpeza do litoral en colaboración co concello
-
Unha exposición dos residuos que atopamos na praia
-
Realizar contactos con Institucións responsable có ánimo de conseguir información,
-
Podemos emprega-los resultados no noso traballo para dar a coñecer
publicamente a situación do litoral do seu concello, ...
|
Dimensión social do individuo
.-
Este apartado configúrase arredor
dunha serie de iniciativas relacionadas con actitudes e valores que atinxen
ó significado de vivir en sociedade, e que poderíamos exemplificar
na frase "exercer como cidadáns".
- Informarse sobre os problemas, as súas causas, posibles solucións
-
Familiarización coa organización administrativa da sociedade: leis, normativas,. ..
-
Reclamar accións institucionais: petición de información, queixas administrativas, ..
-
Responsabilidade e Compromiso persoal: "vivimos no mundo que construímos coa nosa conducta, decisións e actitudes"
|