1.- Características da costa inspeccionada.

Por mor das prioridades establecidas nos criterios de adxudicación dos trama de inspección, a maioría dos e das participantes son bos coñecedores da costa que inspeccionaron, o que facilitou, en gran medida, a realización da campaña; cuestión tamén favorecida polo fácil acceso na maioría das unidades (o 90%).

2.- Correntes que aflúen á costa.

Das máis de 600 correntes mostreadas, realizouse a determinación da concentración de nitratos presentes en 163; os valores obtidos pódense considerar como positivos xa que a maior parte presenta valores inferiores ós máxims admisibles segundo a Directiva 91/676/CEE (50 mg/l), se ben na provincia de Pontevedra unha porcentaxe significativa de correntes presentan un valor incluido no intervalo 25-50 mg/l, o que segundo a mencionada Directiva, aconsellaría un especial seguimento da evolución das ditas correntes. A determinación (polo método do número máis probable) de streptococos fecais só se realizou en 21 correntes, polo que os resultados obtidos só se poden analizar de xeito local.

Na análise de correntes é de destacar a gran porcentaxe de encaneamentos e filtracións atopadas durante a inspección, sendo amáis quen presenta maiores niveis de contaminación xa que o seu caudal, na maioróa dos casos, está formado por efluentes sen ningún tipo de depuración.

Resultados do test de putrescibilidade da auga (azul de metileno):

Ríos Filtracións Encaneamentos Canles % Total

Auga moi contaminada	9%	24%	32%	8%	20%
Auga contaminada	15%	19%	39%	46%	29%
Auga non contaminada	76%	57%	29%	46%	51%
TOTAL de correntes	33%	21%	38	13	105/- 100%

 

3.- Características das zonas supra e mesolitoral.

En xeral a zona mesolitoral ocupa unha franxa moito máis larga cá supralitoral, o cal está relacionado coa amplitude das mareas nas rías e na costa atlántica, e coa presencia de poboación sobre o litoral.

A cobertura dominante en ámbalas zonas está formada por rochas e area. As algas e animais presentes son os típicos da zona intermareal, destacando tan só, e desde o punto de vista negativo, a presencia relativamente frecuente de ratas vivas (e tamén mortas).

4.- Lixo e polución.

Tódolos datos obtidos neste aprtado apuntan a unha maior limpeza da zona mesolitoral, debido claramente ó efecto de varrido das mareas.

Dos materiais de gran tamaño observados son normais e predicibles os restos de naufraxios e agrículas, pero sorprende a elevada cantidade de montóns de bolsas de lixo doméstico, entullo e mobles, materiais que non deberían aparecer máis ca accidentalmente.

Na descrición máis detallada do lixo resulta rechamante a gran cantidadee de obxectos que aparecen no noso litoral, e da que se pode extraer un dobre chamamento: unha maior implicación dos concellos na limpeza e conservación do litoral, e unha maior implicacións dos cidadáns en mante-lo litoral limpo, depositando os resíduos que xeramos en lugares axeitados para o seu tratamento.

5.- Observacións xerais.

Na maior parte das unidades estudiadas non se produciron alteracións significativas da costa por mor dos temporais, polo que non podemos achacar a eles o estado de deterioro e descoido observado. En xeral o litoral só se limpa (cando se fai) na época estival, xa que o 80% das enquisas responden que non se limpiou recentemente. Na avaliación dos riscos e amenazas que afectan á costa, a contaminación da auga é o factor máis considerado.